SF Hekla er íslenskt knattspyrnufélag sem leikur í dönsku deildarkeppninni. Allir áhugasamir um fótbolta, félagslega samveru og góðan bjór eru velkomnir að mæta og taka þátt í starfinu.

Boltinn
Stutt er síðan keppnisfyrirkomulaginu var breytt. Við spilum nú tvö tímabil á ári, fyrra tímabilið nær frá byrjun apríl fram til loka júní og seinna tímabiliðl frá byrjun ágúst til loka októbermánuðar. Yfir vetrartímann er æft innanhúss, einu sinni í viku, frá nóvember til mars. Auk þess er æfingatímabil á möl (grus) í febrúar og mars sem "upphitun" fyrir grasið. 

Grastímabilið hefst í byrjun apríl og er æft þrisvar í viku, á mánudögum kl. 17:00-19:00, miðvikudögum 15:00-17:00 og á föstudögum kl. 17:00-19:00. Æfingarnar fara fram við Hasle Skole, Herredsvej 15, 8210 Århus V (sjá kort), en leikina spilum við á velli við Holme Skole, Mølleskovvej 11, 8270 Højbjerg (sjá kort). Fyrir þá sem nýta almenningssamgöngur þá stoppa strætóar nr. 3, 14, 15 og 25 nálægt Hasle Skole og 1, 4, 12 og 18 mjög nálægt Holme Skole auk þess sem 10 stoppar í göngufæri. Strætóáætlanir finnurðu á www.midttrafik.dk (gulir) og bus-info.dk (bláir).

Félagsskapurinn
Stærsti og mikilvægasti parturinn af að vera meðlimur í SF Heklu er félagsskapurinn. Eftir æfingar og leiki er setið og spjallað og auðvitað er bjórinn með. Auk þess er sífellt reynt að vera með einhverja viðburði í gangi þar sem menn geta hist og haft gaman. Síðustu tvö ár hefur yfirleitt eitthvað verið gert í hverjum mánuði og hefur það helst verið pókermót, pöb-quiz, leikjakvöld og aðrir slíkir viðburðir. Eftir tímabil hefur verið reynt að hittast, grilla saman og gera upp tímabilið. Árshátíðin er síðan hápunktur ársins en hún er haldin eftir haustímabilið.

Æfingagjöld eru 600 dkr. fyrir vor-haust tímabil en greiði menn fyrir 1. maí er gefinn afsláttur, 100 dkr. Þessi upphæð felur m.a í sér frímiða fyrir leikmann ásamt maka á árshátíð SF Heklu sem fer fram í lok móts í október eða nóvember.

Greiðsla getur átt sér stað á æfingum eða á rafrænu formi skv. upplýsingum hér að neðan.

Nordea Bank
Reg nr: 2412
Kontonr: 8973 584 333