Svo eru auðvitað gamlir með eitt lið og má svo sem deila um hvað sé sanngjarnt út frá þeirra formi og getu. Líklegast væri sanngjarnast fyrir þá ef þeir væru bara eina liðið í mótinu en við sjáum hvað setur.

Eins og staðan er núna þá verða þetta sex lið en það er þó með smá fyrirvara þar sem það gæti verið að sjöunda liðið yrði til seinna í vikunni. En skiptingin er svona:

Rauðir: Hjalti, Maggi, Villi, Elli J, Gunni, Kiddi og Simmi

Svartir: David, Svavar, Elvar, Ingiber, Kalli og Óskar

Hvítir: Dóri, Krissi, Gaui Bald (GAIS), Tommi, Andri, Gestur og Atli Rafns

Bláir: Einar, Bjössi, Sindri, Hörður, Stymmi, Stefán og Ömmi

Horsens eitt lið

Gamlir eitt lið

Eins og þið sjáið þá eru fyrstu fjórum liðunum skipt upp eftir litum og væri ágætt ef leikmenn myndu mæta í treyju sem passar við þeirra lit. Það auðveldar aðeins vestamál þar sem nóg væri þá að gamlir eða horsens spiluðu í vestum.

Eins og áður hefur komið fram byrjar mótið kl 12:00 í Vejlby-Risskov Hallen, þar sem við æfum. Ágætt væri að menn mættu aðeins fyrr svo allir séu reddí fyrir fyrsta leik. Og muna keppnisgjaldið: 100 krónur á mann (pizzur innifaldar, þeir sem ekki vilja borða um kvöldið geta borgað 50 kr). Liðunum verður skipt upp í 2 riðla og verður leikin tvöföld umferð. Ef allt gengur upp þá ættu úrslitaleikirnir að geta hafist um þrjúleytið.

Heklan verður með bjór og samlokur til sölu á staðnum meðan mótið stendur yfir. Bjórinn verður sem fyrr á 10 krónur og samlokurnar verða á eitthvað slikk.

Um klukkan 18:00 opnar húsið á Herredsvej 60b þar sem við ætlum að skemmta okkur um kvöldið. Pizzurnar munu mæta sjóðheitar um 19:00 og hefst pöb-quizið bara einhvern tímann þegar hentar, ekki þó seinna en 21:00. Síðan verður bara partý og fer það svo bara eftir stemningu hvenær við höldum í bæinn.

Ef það eru einhverjar spurningar þá ekki hika við að hafa samband.

Kveðja,

Einar